पथटाईम्स

कमिक्सका ब्याटम्यानले समाते भगौडा 
यो सुन्दा तपाईलाई पत्यार नलाग्न सक्छ, तर विश्वास गर्नुस् । हाम्रो कहानीको दुनियाँको हिरो “कमिक्स हिरो” ब्याटम्यानको पोशाक लगाएका एक व्यक्तिले भगौडालाई समातेका छन् ।

घटना २५ फेब्रुकरीमा बेलायतको ब्राडफोर्डमा भएको हो । ट्राफलगर हाउस प्रहरी थानामा भगौडाका साथमा उपस्थित भएका थिए ब्याटम्यान । भगौडालाई पुलिस थानामा बुझाएपछि ब्याटम्यानको नकाव लगाएका व्यक्ति कतै अध्याँरोमा हराए ।

ब्याटम्यानको पोसाकमा आएका व्यक्तिको पहिचान गर्न निकै गाह्रो भएको पुलिसले बताएको छ । ब्याटम्यानले पुलिसलाई बुझाएका व्यक्तिमाथि चोरीको सामान राखेको आरोप छ ।

यसबारे समाजिक संजाहरुमा अनेक अनुमान लगाइएका छन् । तर प्रहरीले ब्याटम्यानको बस्त्र लगाएका ती मानिस को हुन र कसरी एकाएक हराए भन्नेबारेमा केही भन्न नसकिने बताएको छ । प्रहरीले भनेको छ( ‘समातिएकै ब्यक्तिको साथी हो वा हैन भन्ने पनि हामीले सक्ने अबस्था छैन ।’

घटना संचारमाध्यममा सार्वजनिक भएलगत्तै एक कपडा स्टोरकी संचालिकाले दुई दिन अघिमात्र आफुले त्यो पहिरन एक युवकलाई बेचेको बताएकी छिन ।