पथटाईम्स

परिवार नियोजनका साधनको माग बढ्दै

 

–केहि दशक यता परिवार नियोजनका साधनको प्रयोग बढेको भए पनि लान्सेट जर्नलमा प्रकाशित एक नयाँ अनुसन्धानले सन् २०१५ सम्म विश्वमा परिवार नियोजनका साधनको माग गर्नेहरु ६ करोड २० लाख थपिने भएकाले २३ करोड ३० लाख प्रजनन उमेरका महिलालाई परिवार नियोजनका साधन अभाव हुनेछ ।

नेशनल युनिभर्सिटी अफ सिंगापुरका अनुसन्धानकर्ताहरुको टोलीले १५ देखि ४९ वर्ष उमेर समूहका महिलामा परिवार नियोजनका साधनको प्रयोग बारेमा अनुसन्धान गरेको थियो । १९४ भन्दा बढी देशमा विगत दुई दशक यता परिवार नियोजनका साधन प्रयोगसम्बन्धी तथ्यांक उनीहरुले मूल्यांकन गरेका थिए । जसअनुसार सन् १९९० देखि २०१० सम्म १५ देखि ४९ वर्ष उमेर समूहका महिलामा परिवार नियोजनका साधनको प्रयोग दर ५३ प्रतिशतबाट बढेर ६३ प्रतिशत पुगेको छ । सोही साधनमा पहुँच नहुनेको दर १५ बाट घटेर १२ पुगेको देखिन्छ ।

विश्वमा सन् २०१० मा परिवार नियोजनका साधनको माग लगभग ९० करोड थियो र सन् २०१५ मा त्यो बढेर ९६ करोड २० लाख हुने अनुमान गरिएको छ । यसमा मुख्यरुपमा जनसंख्या वृद्धि नै कारक हुनेछ ।

विश्वमा परिवार नियोजनका साधन प्रयोगमा वृद्धि सबैभन्दा बढी दक्षिण एसिया तथा पूर्वी, उत्तरी र मध्य अफ्रिकामा भएको छ । तथापि अप्रिकाका दुई क्षेत्रमा सन् २०१० मा परिवार नियोजनका साधनको प्रयोग कम देखिएको छ । जहाँ २० प्रतिशतभन्दा कम विवाहित महिलाले परिवार नियोजनका साधन अपनाए । सन् २०१० मा मध्य, पूर्वी र पश्चिमी अप्रिकामा १४ करोड ६० लाख विवाहित महिलासँग परिवार नियोजनका कुनै पनि साधन पहुँच थिएन ।