पथटाईम्स

अमिताभ बच्चन सहित ‘कौन बनेगा करोड़पति’ शो विरुद्ध मानहानीको मुद्धा

भारतको मध्य प्रदेशको राजधानी भोपालको अदालतमा अभिनेता अमिताभ बच्चन सहित ‘कौन बनेगा करोड़पति’ शो का निर्माता तथा प्रायोजक कम्पनीको विरुद्ध मानहानीको रिट दायर भएको छ। ’कौन बनेगा करोड़पति’ शोको प्रोमोमा एउटा काल्पनिक वकिलको माध्यमबाट बहस जस्तो गंभीर पेशालाई एकदमै हल्का रुपमा प्रस्तुत गरेको आरोप लगाउदै भोपालका वकिल नासिर अलीले रिट दायर गरेका हुन।

अलीका अनुसार, प्रोमोमा काल्पनिक वकिल जितेन्द्र कुमारले सम्पुर्ण अधिवक्ता समुदायलाई खिल्ली उडाएको उनले आरोप लगाएका छन। यसका साथै प्रोमो संम्बन्धि मानहानीका संवादका थप सामाग्रीहरु लिखित रुपमै रिट दायरमा उल्लेख गरेर अदालतमा पेश गरेको भारतीय सञ्चार माध्यममा खबर छ। उक्त रिटको सुनवाई अगस्ट २३ मा हुने पनि बताइएको छ।