पथटाईम्स

हस्तबहादुर चेपाङलाई नयाँ घर

२१ साउन, 

 चितवनको विकट पहाडी गाउँ सिद्धिको ओढारमा विगत १५ वर्षदेखि बस्दै आएका ७८ वर्षका हस्तबहादुर चेपाङले नयाँ घर पाएका छन् ।

श्रीमती छोराछोरी कोही नभएका एकल हस्तबहादुरका लागि होटल मोनालिसा सौराहाका सञ्चालक केशव खनालले घर बनाइदिनुभएको हो । सिद्धि-८ पाइमाराङमा खनालले एक लाखको लागतमा सो घर बनाइदिएर आइतबार हस्तबहादुरलाई हस्तान्तरण गर्नुभएको हो ।

होटल व्यवसायी खनालले हस्तबहादुरलाई आवश्यक पर्ने कपडा, भाँडाकुँडासहित खाद्यान्न उपलब्ध गराउँदै आउनुभएको छ । हस्तबहादुरलाई हेरचाह गर्ने शेरबहादुर चेपाङको परिवारलाई प्रोत्साहन स्वरुप रु १० हजार दिनेसमेत खनालले बताउनुभयो ।