पथटाईम्स

नेपालगञ्जमा इदको रौनक 

 असोज ३० - 

नेपालगन्जस्थित इदगाहमा हजारौं इस्लाम धर्मावलम्बीहरुले सामुहिक नमाज पढ्दै बुधवार  बकराईद (इदुज्जोहा) मनाएका  छन् ।

हज र कुर्बानी गर्नुपर्ने प्रमुख विशेषता रहेको यस पर्वमा हैसियत हुने मुसलमानका लागि हज र कुर्बानी अनिवार्य रहेको मुस्लिम अगुवा भोला सिद्धिकीले जानकारी दिनुभयो ।

नेपाली काङ्ग्रेसका सभापति सुशिल कोइरालालगायत संविधानसभा निर्वाचनका उम्मेद्वारहरु बकरिदको शुभकामना आदानप्रदानका लागि विपीचोकस्थित इदगाहमा पुग्नुभएको थियो ।

एकआपसमा अङ्गालो हालेर खुशी साटासाट गर्दै बाँकेमा बकरिद  (इदउलअजहा) धुमधामका साथ मनाइएको छ ।

मुस्लिम समुदायको बाहुल्यता रहेको बाँकेको नेपालगञ्जमा विहान इदगाहमा हजारौं इस्लाम धर्मावलम्बीहरुले सामुहिक नमाज पढेका हुन्  । वकरिद तीन्दिनसम्म धुमधामका साथ मनाउने गरिन्छ ।

सामुहिक नमाजस्थलमा  हिन्दु समुदायका मानिसहरु पनि पुगेर मुस्लिम समुदायलाई वकरिदको शुभकामना साटासाट गरेका थिए । मुसलमानहरुको पाँच आधारभूत कुराहरुमा हज पनि एउटा हो ।