विभु अधिकारी,बारा
१७ फागुन
महेन्द्र तथा त्रिभुवन राजमार्गको सङ्गम स्थल बाराको पथलैया संस्थागत रुपमा नेपालमै पहिलो पटक “ धुँवा रहित राजमार्ग होटल ”क्षेत्र घोषित भएको छ ।
पथलैया स्थित ६५ होटल मध्ये ५०ले एक महिनामा सुधारिएको चुलो राखेपछि आज विज्ञान,प्रविध तथा वातावरण मन्त्रालयका सचिव केशवप्रसाद भट्टराईले घोषित गरेकाहुन् । 
राजमार्गका होटल व्यवसाय भएको पथलैयालाई नेपालमै पहिलो पटक धुवाँ रहित क्षेत्र घोषणा गर्न पाउँदा खुशी लागेको वैकल्पिक उर्जा प्रवद्र्धन केन्द्रका कार्यकारी निर्देशक प्रा.डा. गोविन्दराज पोखरेलले बताए । चार वर्ष भित्र धुँवा रहित नेपाल बनाउने उद्धेश्य रहेको उनले प्रष्ट पारे ।
कम दाउराको प्रयोगले छिटो समयमा धेरै खाना पाक्ने र स्वास्थ्यलाई पनि कम हानी पु¥याउने भएकोले पथलैयाका होटल व्यवसायी त्यस तर्फ आकर्षित भएकाहुन् ।
सुधारिएको चुलो प्रयोग रहन्छ प्रभावकारी स्वास्थ्य र शुखी परिवार हाम्रो जिम्मेवारी संस्थागत सुधारिएको चुलो क्षेत्र घोषणा कार्यक्रममा सचिव के
शवप्रसादले सानो कामले स्वास्थ्य क्षेत्रमा ठूलो योगदान दिएकोले धुँवा रहित चुलोको महत्व धेरै रहेको बताए । अब पथलैया हेटौडा सडक खण्डको तीन नम्बर पुललाई पनि धुँवा रहित राजमार्ग होटल क्षेत्र घोषणा गर्ने तयारी गरिरहेको उनले थपे ।
धुँवा रहित चुलो जाडान गरेर स्थानीय हाटल व्यवसायीहरु खुशी भएकाछन् ।
आशिर्वाद होटलका मैया लम्सालले भनिन्–धुँवाले गर्दा काम गर्न नै गा¥हो भैरहेको बेला धुँवा रहित चुलोले हाम्रो लागि वदान नै भएर आएकोछ । चुलो राखेपछि आँखा भत्भत् पोल्ने समस्याबाट मुक्त भएकीछु ।
वन विनासको कारण दाउरा पाउन गा¥हो र महङ्गो भैरहेकोले चुलो उपयुक्त देखिएको दीप होटलका दीपाञ्जन लामाले बताए ।
शुरुमा गा¥हो मान्ने व्यवसायीहरु विभिन्न फाईदा हुने थाहा पाएपछि अहिले होटल व्यवसायी धमाधम चुलो राख्न थालेकाछन् ।
पथलैया–वीरगञ्ज औद्योगिक करिडोर क्षेत्रमा स्थापित उद्योगहरुबाट निस्कने धुँवा धुलोले वातावरण प्रदुषित बनाएकोले प्रदुषण रहित बनाउन सचिव केशवप्रसाद सङ्ग अनुरोध गरेकाछन् ।
होटल क्षेत्रमा मात्र होईन कलकारखाना क्षेत्रमा पनि प्रविधि जडान गरेर धुँवा रहित क्षेत्र बनाउन आवश्यक रहेको बाराका स्थानीय विकास अधिकारी चिरञ्जिवी भण्डारीले औल्याए ।
संयुक्त होटल तथा रेष्टुरेण्ट व्यवसायी संघका अध्यक्ष दीपक सिम्खडाले भने– होटल त धुवाँ रहित क्षेत्र बन्यो चाँडै उद्योग पनि धुँवा रहित बनाउन सम्बन्धित पक्षलाई अनुरोध गर्दछु ।
होटल क्षेत्रमा मात्र होईन कलकारखाना क्षेत्रमा पनि प्रविधि जडान गरेर धुँवा रहित क्षेत्र बनाउन आवश्यक रहेको संयुक्त होटल तथा रेष्टुरेण्ट व्यवसायी संघका अध्यक्ष दीपक सिम्खडाले बताए । होटल त धुवाँ रहित क्षेत्र बन्यो चाँडै उद्योग पनि धुँवा रहित बनाउन सम्बन्धित पक्षलाई अनुरोध गर्दछु ।
आर्थिक नगरी वीरगञ्ज देखि २५ किलोमिटर उत्तरमा रहेको पथलैया विशेष गरी ट्रकका चालक,सह–चालक र यात्रीका खाना र नास्ता खाने स्थानको रुपमा चर्चित रहेकोछ ।
मध्य क्षेत्रीय ट्राफिक प्रहरी कार्यालयका अनुसार दैनिक दुई हजार सवारी साधन आवतजावत गर्छन् ।
जिल्ला विकास समिति बाराको सहयोगमा विभिन्न संघ स्स्थाले धुँवा रहित चुलो राख्ने अभियान चलाएकाहुन् ।
Post a Comment