पथटाईम्स

चुनाव विरोधी माओवादी शिक्षक पक्राउ

 कात्तिक १६ –

 निर्वाचन विरोधी क्रियाकलापमा अरुलाई पनि संलग्न गराएको आरोपमा इलामको मंगलवारे गाविस–३ तपेवाका शिक्षक तथा नेकपा माओवादी जिल्ला सदस्य इन्द्रबहादुर राई शुक्रबार राती पक्राउ परेका छन् ।

तपेवाको स्कुलमा पढाउने राईलाई मंगलवारेको इलाका प्रहरी कार्यालयको टोलीले राती ११ बजे घरैबाट पक्रेको हो । निर्वाचन बिथोल्न घरमा माओवादी पार्टीको बैठक गरेको र अरुलाई पनि उकासेको आरोपमा पक्राउ परेका राईलाई शनिबार विहान जिल्ला प्रहरी कार्यालय ल्याइएको छ ।  

राई सहित इलाममा चुनाव विरोधी गतिविधि गरेको आरोपमा पक्राउ पर्नेको संख्या ११ पुगेको छ । यसअघि पक्राउ पर्नेमा चुनाव बहिष्कार गर्ने मञ्चसम्बद्ध संघीय लिम्बुवान राज्य परिषदका पाँच र माओवादीनिकट पाँच कार्यकर्ता छन् । उनीहरु सबैलाई हिरासतमा राखिएको छ ।

-