पथटाईम्स

आगलागीमा करिब डेढ दर्जन घर गोठ जलेर नष्ट हुंदा ५० लाख भन्दावढीको क्षती

, कार्तिक १८ –

सुनसरीको दुहवी र उदयपुरको भुट्टारमा भएको आगलागीमा करिब डेढ दर्जन घर गोठ जलेर नष्ट हुंदा ५० लाख भन्दावढीको क्षती भएको छ । पुर्व क्षेत्रीय प्रहरी कार्यालय विराटनगरका अनुसार दुहवी–७ स्थित मुख्य बजारमा रहेको सुरेश भगतको घरमा आज विहान आगलागी हुँदा रु २५ लाख बढीको क्षति भएको छ ।

 

लक्ष्मीपुजा गर्न वालीएको दियोवाट आगलागी भएको र आगलागीवाट भगतको घर, घरमा रहेको पसल र त्यहां भित्र रहेका सम्पुर्ण नगद तथा जिन्सी सामान जलेर नष्ट भएको प्रहरीले जनाएको छ । आगलागी दमकल,प्रहरी र स्थानियवासीको सहयोगमा एक घण्टा लगाएर नियन्त्रणमा लिएको जनाइएको छ । 

 

त्यस्तै उदयपुरको भुट्टार –३ रामुटारमा गएराति भएको आगलागीमा  १४ वटा घर गोठ पूर्ण नष्ट हुंदा करिब २५ लाख मुल्य बराबरको क्षती भएको छ । प्रहरीका अनुसार आगलागीवाट स्थानीय अमरबहादुर मगर, हितबहादुर मगर, कुमार मगर, ध्वजवीर मगर र चक्रबहादुर मगरको घर र गोठ  र  अमृत मगर, मैना मगर, बबिन्द्र मगर लगायतको गोठ जलेर नष्ट भएको छ  ।

 

लक्ष्मीपुजा गर्न वालीएको बत्तिवाट गएराति ८ बजे सुरु भएको आगलागी करिब ३ घण्टापछि प्रहरी र स्थानीयवासीले नियन्त्रणमा लिएका थिए ।