पथटाईम्स

मोदी नेपाल आउनु अघि पुर्व राजा ज्ञानेन्द्र शाह भारत जाने, भ्रमणको चांजोपांजो मिलाईदै

पूर्व राजा ज्ञानेन्द्र शाह भारतीय प्रधानमन्त्री नरेन्द्र मोदी नेपाल आउनु अघि नै भारत जाने तयारी गरिरहेका छन् । उनी आगामी असार महिना भित्र भारत जाने प्रयास गरिरहेका छन् । भारतीय नेताहरुसित ज्ञानेन्द्रको भेटघाटको बन्दोबस्त मिलाउन प्रयास भइरहेको स्रोतको भनाइ छ । भारतीय नेताहरुसित भेटघाट हुने स्थिति आए ज्ञानेन्द्रको भारत भ्रमण तय हुने ज्ञानेन्द्र निकट व्यक्तिहरुले बताएका छन् । भारतीय नेताहरुसितको भ्रमण तय नभइसकेकोले ज्ञानेन्द्र निकट व्यक्तिहरुले भारत भ्रमणको बारेमा केही बोलेका छैनन् । भारतमा मोदी प्रधानमन्त्री भए पछि नेपालका राजाबादीहरु उत्साहित भएका छन् । मोदीले नेपालमा हिन्दु राष्ट्र स्थापित गर्न बल पु(याउने र त्यसैको भरमा राजतन्त्र पनि कुनै हदसम्म फर्कन सक्ने अनुमान उनीहरुले गरेका छन् । त्यसैले मोदी नेपाल आउनु अघि नै ज्ञानेन्द्रलाई भारत पु(याएर आफनो कुरा राख्न लगाउने प्रयासमा ज्ञानेन्द्रका केही निकट व्यक्तिहरु लागेका हुन् । शासन सत्ता गुमाए पछि ज्ञानेन्दले पटक पटक भारत भ्रमण गरेका छन् । भारतको भ्रमण निजि भएको बताइए पनि भारत भ्रमणको बेला उनले केही भारतीय नेताहरुलाई भेटघाट गर्ने गरेका छन् । केही दिन अघि मात्र भारतका नेता करण सिंह नेपाल आएर फर्केका छन् । आगामी साउनमा भारतीय प्रधानमन्त्री नेपालमा आउने चर्चा छ । उता, केही राजाबादीहरुले सभामुख सुवास नेम्वाङसित आगामी संविधानमा राजतन्त्रको स्थान राख्न माग गरेका छन् । यसरी माग राख्न गएका राजाबादीहरु संग सभामुखले भेटेका भने छ्रैनन् । सभामुखले भेटन नमाने पछि राजाबादीहरुले सभामुखको कार्यलयमा निबेदन दर्ता गराइ फर्केका थिए ।