नेपाली पत्रकारहरुको छाता संगठन नेपाल पत्रकार महासंघ भित्रको भ्रष्टाचार काण्ड रहस्मय ढंगबाट मिलाइएको छ । शनिबार बसेको महासंघ केन्द्रीय समितिको बैठकले कोषाध्यक्ष सितल साहले गरेको भ्रष्टाचारलाई मिलाइएको हो । कोषाध्यक्ष साह र महासचिव ओम शर्माले महासंघको खाताबाट निकालेको १५ लाख रकम भ्रष्टाचार भएको थियो । पुरानो घर भत्काएर बिक्ती गर्दाको चार लाख पचास हजार रुपैया समेत लामो समयसम्म कोषाध्यक्ष साहले दाखिला गरेका थिएनन् । उक्त दुवै भ्रष्टाचार काण्ड बारे मूलधार न्यूजले समाचार लेखेपछि कोषाध्यक्ष साहले केहि रकम महासंघको खातामा जम्मा गरेका थिए । उक्त काण्ड छानबिन गर्न महासंघका पूर्व सभापति सुरेश आचार्य संयोजकत्वको छानविन समिति गठन भएपनि आचार्यले समितिमा बस्न अनिच्छा देखाएका थिए ।
महासंघ बैठकमा भ्रष्टाचार काण्ड बारे चर्को बहस भएपनि चेकबाट भुक्तान गर्नुपर्ने रकम नगद झिकेर भुक्तान गरिएको भन्ने अपत्यारिलो बाहाना बनाएर साहलाई चोख्याइएको छ । यस अघि महासंको अनौपचारिक बैठकमा अध्यक्ष शिव गाउँलेले साहलाई गल्ती भएकाले तुरुन्त एक वर्षको साँवा र व्याज खातामा जम्मा गर्न निर्देशन दिएका थिए । यस पटक बैठकमा भने कोषाध्यक्ष र महासचिवलाई गल्ती प्रति आत्मालोचना गराएर उन्मुक्त दिएको महासंघ स्रोतले बतायो ।
Post a Comment