पथटाईम्स

मल मुत्र खुवाउने दुई महिला  पक्राउ

  १० - माघ

 बोक्सीको आरोप लगाई मल मुत्र खुवाउने दुई महिलालाई प्रहरीले पक्राउ गरेको छ ।

काभ्रेको पोखरी नारायणस्थान गाविस–२ की श्रीमाया लमिनीलाई बोक्सीका आरोप लगाउँदै मलमुत्र खुवाएको आरोपमा स्थानीय वर्ष ३७ की पासाङ तामाङ्ग र बर्ष २० की मनमाया तामाङलाई प्रहरीले पक्राउ गरेको हो ।  

गत माघ १ गते लमिनी गोठमा भैसीलाई घाँस हाल्दै गर्दा पासाङ्ग तामाङ्ग, विकुलाल तामाङ्ग र मनमाया तामाङ्ग समेतले कुटपिट गरी मलमुत्र अनुहारमा दलेर शारिरिक तथा मानसिक यातना दिएको श्रीमायाले आरोप लगाउनु भएको छ । श्रीमायाको उजुरीको आधारमा पक्राउ परेका दुई महिलालामाथि मुद्दा दर्ता गरिएको प्रहरी प्रमुख  एसपी अरुण बिसीले जानकारी दिनुभयो ।