| पथटाईम्स

बाढीपीडितलाई मुक्तकको वर्षा

५ साउन, । ‘अचानक बाढी आएर गयो, जायजेथा सबै बगाएर गयो, दिन लागेपछि यस्तै हुने रैछ, नखाएको रिन लगाएर गयो……..’ कवि एवं मुक्तककार रमेश पौडेलको पंक्ति । असारको पहिलो हप्ता आएको वर्षा र बाढीले पीडित सुदूरपश्चिमका बासिन्दाको सहयोगका लागि काठमाडौंमा भव्य मुक्तक वाचन कार्यक्रममा सहभागी हुन उहाँले यसरी निम्तो गर्नुभएको हो । बाढी पीडितको सहयोगार्थ नेपाल मुक्तक प्रतिष्ठानले आज शनिबार काठमाडौंको कमलादी स्थित सी. डब्ल्यू. पार्टी प्यालेसमा ‘मुक्तक माहौल’ कार्यक्रम गर्न लागेको छ ।

कार्यक्रममा कृष्णप्रसाद पराजुली, रत्नशमशेर थापा, चेतन कार्की, यादव खरेल, सरुभक्त, बूँद राना, राजेन्द्र थापा, तीर्थ श्रेष्ठ, रामकाजी कोने, प्रकट पंगेनी शिव लगायतका ३ दर्जन कलाकारले समसामयिक चोटिला मुक्तक सुनाउने प्रतिष्ठानका महासचिव समेत रहेका कवि पौडेलले जानकारी दिनुभयो ।

झण्डै ३०० जना साहित्य पारखी अतिथिहरुको उपस्थिति रहने सो माहौलमा प्रवेश शुल्क रु.१००/-, २००/- र ३००/- राखिएको छ । कार्यक्रमबाट उठेको सहयोग रकम प्रतिष्ठानका तर्फबाट नेपाल सरकारको बाढी पीडित रहत कोषमा एकमुष्ठ प्रदान गरिने प्रतिष्ठानले जनाएको छ ।

मुक्तक माहोलमा प्रस्तुत हुने केही मुक्तककारका मुक्तक यस्ता छन्ः

सोच्नु नै गल्ती कि म यहाँ पश्चाताप गर्छु

म खुलमखुला कोरा कागजमा सहीछाप गर्छु

झुक्किएर धर्म हुन गए कुनि मलाई थाहा छैन

जानेर त यो ठाउँमा खाली म पाप गर्छु……….

-रत्नशमशेर थापा

नगरी नहुने काम बिर्सिदिन्छ

नपुगी नहुने ठाम बिर्सिदिन्छ

यतिसम्म बेहोस भएको छ चेतन

कहिलेकाहीं आफ्नै नाम बिर्सिदिन्छ…….

- चेतन कार्की

उ यसरी आयो फूर्ति देखायो