पथटाईम्स

मुलुकभर २४ लाख दुधालु गाई-भैंसी

५ साउन,  कृषि पेशा अंगाल्ने मान्छेहरुको संख्या कम हुँदै गए पनि देशभर पशुको संख्यामा भने वृद्धि भएको सरकारी तथ्याङ्कले देखाएको छ । कृषि विकास मन्त्रालयका अनुसार पछिल्लो आर्थिक वर्ष २०६९/०७० मा गाई-गोरुको संख्या ७२ लाख ७५ हजार पुगेको अनुमान गरिएको छ । त्यस्तै, भैंसी तथा राँगाको संख्या ५२ लाख ४२ हजार पुगेको अनुमान छ । यो संख्या अघिल्लो आर्थिक वर्षको तुलनामा क्रमशः शुन्य दशमलव ४१ र २ दशमलव १३ प्रतिशतले बढी हो ।

मन्त्रालयले दिएको जानकारीअनुसार पछिल्लो आर्थिक वर्षमा दूधालु गाईको संख्या अघिल्लो आवको तुलनामा २ दशमलव ६७ प्रतिशतले बढेर १० लाख २६ हजार पुगेको अनुमान छ । त्यस्तै, सो अवधिमा दुधालु भैंसीको संख्या १३ लाख ७० हजार पुगेको अनुमान छ । जुन संख्या अघिल्लो आवको तुलनामा २ दशमलव ९४ प्रतिशले बढी हो ।

भेडाको संख्या झण्डै ८ लाख ९ हजार र बाख्रा तथा बोकाको संख्या ९७ लाख ८६ हजार पुगेको मन्त्रालयको अनुमान रहेको छ । त्यस्तै, सुागुर तथा बंगुरको संख्या अघिल्लो आवको तुलनामा समिक्षा वर्षमा २ प्रतिशतले वृद्धि भई ११ लाख ६० हजार पुग्ने अनुमान छ । कुखुराको संख्या ६ दशमलव १७ प्रतिशतले बढेर ४ करोड ८० लाख पुग्ने अनुमान गरिएको छ । हाासको संख्या भने समिक्षा वर्षमा शुन्य दशमलव २५ प्रतिशतले घटेर ३ लाख ७६ हजारमा सिमित हुने भएको छ ।

कुल कुखुरामध्ये फुल दिने कुखुरीको संख्या ८२ लाख ३३ हजार, फुल दिने हाासको संख्या १ लाख ७५ हजार पुग्ने मन्त्रालयको प्रक्षेपण रहेको छ । त्यस्तै, चौंरीको संख्या ६९ हजार ८ सय ५५ र खरायोको संख्या १५ हजार ३ सय ५० पुग्ने अनुमान छ ।

समिक्षा वर्षमा गाई र भैंसीबाट १६ लाख ८१ हजार मेटि्रक टन दूध उत्प्ादन भएको अनुमान गरिएको छ । जुन अघिल्लो आवको तुलनामा ३ दशमलव ६ प्रतिशतले बढेको हो । यस अवधिमा २ लाख ९५ हजार मेटि्रक टन मासु उत्पादन हुने छ ।

व्यक्तिगत रुपमा कृषि तथा पशुपालन गर्नेहरु घटे पनि सामुहिक रुपमा कृषि तथा पशुपालन गर्नेहरुको संख्या बढ्दै गएको कृषि विशेषज्ञ विनोदकुमार श्रेष्ठले बताउनुभयो । पछिल्लो समय विदेशमा हण्डर खाएर नेपालमा आई कृषि पेशा अंगाल्नेहरुको संख्या बढ्दा रहेको उहााको ठहर छ । दुध उत्पादन बढेपनि गाउाघरमा अचेल दूध पाइन छाडेको पाइन्छ ।