इन्टरनेटमा सनी नम्बर १, शाहरुख शीर्ष १० बाहिर, सलमान–कट्रिना धेरै पछाडि
२७ साउन ।
इन्डो क्यानेडियन पोर्न स्टारबाट बलिउड अभिनेत्रीको परिचय बनाईसकेकी सनी लियोन लोकप्रियताको मामिलामा एक पटक पुनः सबैभन्दा अगाडि देखिएकी छिन् । इन्टरनेटमा सबैभन्दा बढी खोजी गरिने बलिउड कलाकारमा सनीले नायकहरु सलमान, आमिर, शाहरुख खान, नायिकाहरु कट्रिना कैफ, करिना कपुर लगायतलाई पछाडि धकेलीदिएकी छिन् ।
एक वेबसाईटद्धारा गरिएको अनलाईन सर्वेक्षणमा सनी लियोन जुन महिनामा इन्टरनेटमा सबैभन्दा बढी खोजिने बलिउड अभिनेत्री बनेकी भारतीय सञ्चारमाध्यमहरुले जनाएका छन् । जुन महिनामा सनीलाई भारतमा लगभग साढें ३ करोड पटक इन्टरनेटमा ‘सर्च’ गरिएको जनाइएको छ ।
त्यस्तै यस मामिलामा दोस्रो नम्बरमा कट्रिना कैफ छिन् । तर, कट्रिना सनीको तुलनामा निकै पछाडि रहेकी छिन् । कट्रिनालाई जुन महिनामा भारतमा १.८५ करोड पटक सर्च गरिएको छ भने तेस्रो नम्बरमा रहेकी करिना कपुरलाई १.१५ करोड पटक सर्च गरिएको बताइएको छ ।
त्यस्तै सलमान खान यस सुचीमा १.१४ करोड सर्चका साथमा चौंथो नम्बरमा छन् भने पाँचौ नम्बरमा अभिनेत्री एश्वेर्या राय रहेकी छिन् । एश्वेर्याका पछाडि छैठौं नम्बरमा अक्षय कुमार छन् ।
भारतमा जुन महिनामा इन्टरनेटमा बढी खोजिने बलिउड सेलिब्रेटीको सुचिमा सुपरस्टार शाहरुख खान शीर्ष १० भित्र अटाएका छैनन् । यस सुचीको सातौं नम्बरमा अभिनेत्री दीपिका पादुकोण, आठौंमा अभिनेता रणवीर कपुर, नवौंमा आमिर खान र १० औं नम्बरमा अभिनेत्री अनुष्का शर्मा परेकी छिन् ।
यस सर्वेक्षण अनुसार बलिउडमा जुन महिनामा इन्टरनेटमा बढी खोजिने कलाकारमा शीर्ष ५ भित्र पर्ने सलमान खान एक मात्र पुरुष भएको जनाइएको छ ।
Post a Comment