पथटाईम्स

 

महाकवि देवकोटाको जन्मजयन्ती

 कात्तिक १७–

 महाकवि लक्ष्मीप्रसाद देवकोटाको एक सय पाँचौँ जन्मजयन्ती आज देश–विदेशमा विभित्र कार्यक्रम आयोजना गरी मनाइँदैछ ।
देवकोटाको जन्म १९६६ साल कात्तिक २७ गते लक्ष्मीपूजाका दिन काठमाडौँको डिल्लीबजारमा भएको थियो । नेपाली साहित्यका विभिन्न विधामा कलम चलाउने देवकोटाले मुनामदन, सुलोचना, शाकुन्तलाजस्ता अमर कृति सिर्जना गरेका थिए ।
सबैभन्दा धेरै बिक्री भएको पुस्तक ‘मुनामदन’ खण्डकाव्य भएको कवि तीर्थ श्रेष्ठले बताए । देवकोटाले आफ्नो जीवनको छोटो समयमा कविता, गीत, बालसाहित्य, खण्डकाव्य, महाकाव्य, निबन्ध, नाटक, उपन्यास तथा कथासमेत लेखेका छन् ।
पेटको क्यान्सर रोगका कारण उपचार गर्दागर्दै उनको २०१६ भदौ २९ गते मृत्यु भएको हो ।