पथटाईम्स

जलेर एकै परिवारका तीन सदस्यको मृत्यु

पुस १४–

 गएराती भएको आगलागीमा परी एकै परिवारका तीन जनाको जलेर मृत्यु भएको छ । सतासीधाम– ७ मा गएराती भएको आगलागीमा परी एकै परिवारका तीन जनाको मृत्यु भएको हो ।
आगलागीमा परी मृत्यु हनेहरुमा ३६ वर्षीया मोनिका भट्टराई ,उनका १२ वर्षीय छोरा निकेश र ७ वर्षका निशान रहेका छन् । बिर्तामोड प्रहरी स्रोतले जनाए अनुसार उनीहरुको जलेर मृत्यु भएको थियो । दर्वेशा स्थायी घर भएका उनीहरु केही समययतादेखि स्थानिय गणेश बजगाइको घरमा डेरा लिएर बस्दै आएका थिए ।
लोडसेडिङको अध्यारो छल्न उनीहरुले मैनबत्ती बालेको र बैनबत्ती ढलेर कोेठामा आगलागी भएको हुन सक्ने प्रहरीको प्रारम्भिक अनुमान रहेको छ । प्रहरीका अनुसार समयमै आगो नियन्त्रमा लिएकाले त्यहाँ थप मानविय क्षति भने हुन पाएन ।