हत्या गरी फरार अभियुक्त दस वर्षपछि पक्राउ
१२ फागुन
हत्या गरी फरार रहेको १० वर्षपछि महोत्तरी प्रहरीले आज बिहान एक अभियुक्तलाई जिल्लाको धमौरा गाविसबाट पक्राउ गरेको छ ।
पक्राउ पर्नेमा धमौरा गाविस–७ बस्ने ४५ वर्षीय सत्यनारायण महतो रहेको जिल्ला प्रहरी कार्यालयले जनाएको छ । केही समययता चलाइएको फरार अपराधीको खोजी अभियानअन्तर्गत महतोलाई आज बिहान घरबाटै पक्राउ गरिएको जिल्ला प्रहरी कार्यालयका प्रहरी नायब उपरीक्षक राजेन्द्रबाबु रेग्मीले बताउनुभयो ।
फरार अभियुक्त महतोले धमौरा–२ बस्ने ४५ वर्षीय मुनिफ कवारीलाई २०६० साल फागुन २५ गते घरबाट मोटरसाइकलमा लगी गोली हानेर हत्या गरी फरार रहेको प्रहरी नायब उपरीक्षक रेग्मीले बताउनुभयो ।
महोत्तरी प्रहरीले विभिन्न मुद्दाका फरार ३१७ जना अपराधीको खोजी तीव्र पारेको प्रहरी नायब उपरीक्षक रेग्मीले बताउनुभयो।
Post a Comment