नारायणी नदीमा पानीको बहाव उच्च पुगेको छ

केही दिन यता परेको अविरल वर्षाका कारण नारायणी नदीमा पानीको बहाव उच्च पुगेको छ ।

स्याङ्जाको बोर्लाङपुल, कास्कीको पन्चासे र ठोरीमा पानीको बहाव बढेको बाढीपूर्व सूचना विज्ञ विनोद पराजुलीले जानकारी दिए ।

यस्तै पश्चिमको महाकाली, बबई, कर्णाली र पश्चिम राप्तीमा पनि पानीको बहाव बढ्ने अनुमान गरिएको पराजुलीले बताए ।

दार्चुला, बैतडी, कन्चनपुर, कैलाली र बर्दिया आसपासका पश्चिमी क्षेत्रमा आज ठूलो वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

यस्तै काठमाडौं उपत्यका सहित देशका अधिकांश स्थानमा आज पनि झरी पर्ने महाशाखाले जनाएको छ । गत बिहीबारदेखि सक्रिय भएको मनसुन आइतबारसम्म रहने मौसमविद्हरुले बताएका छन् ।