पथटाईम्स

मानव खप्पर तथा हातको हड्डीसहित दुई बाबा पक्राउ

पुस १० – 

बर्दिया जिल्लाको गुलरिया नगरपालिका ११ बाट मंगलबार सशस्त्र प्रहरीको टोलीले एउटा मानव खप्पर तथा हातको हड्डी ६ वटा सहित दुई जना बाबाहरुलाई पक्राउ गरेको छ ।
पक्राउ पर्नेहरुमा भारतको लखिमपुर जिल्लाको खिरी घर बताउने ५५ वर्षिय आँखे नाथ र सोही ठाउँ वस्ने ५० वर्षिय राजेन्द्र नाथ नामक दुई जना बाबाहरु छन् ।
उनीहरुलाई सशस्त्र प्रहरी बल सीमा सुरक्षा कार्यालय बर्दियाबाट खटिएको एपीएफ टोलीले जाँच गर्ने क्रममा नेपालबाट भारततर्फ जाँदै गरेको अवस्थामा उक्त मानव खप्पर तथा हड्डीसहित पक्राउ गरेको हो ।
एपीएफ टोलीले पक्राउ परेका बाबाहरुलाई बरामद खप्पर तथा हड्डीसहित आवश्यक कारवाहीको लागि स्थानीय प्रहरीमा बुझाएको छ ।